चीनलाई ठूलो झड्का

भिडियो हेर्न तलको बिज्ञापन लाइ हटाउनुहोस

असार २९,हेगस्थित अन्तर्राष्ट्रिय अदालतले चीनले दाबी गर्दै आएको दक्षिण चीन सागरमा चीनको मात्रै अधिकार नभएको भन्दै नयाँ फैसला गरेको छ । चीनले दक्षिण चीन सागर आफ्नो मुलुकको क्षेत्र भएको दाबी गर्दै आइरहेको अन्तर्रागिट्रय अदालतले सो फैसला गरेको हो ।

दक्षिण सागर वरिपरिका मुलुकहरुमध्येको फिलिपिन्सले चीनले गरेको दाबीको विरोध गर्दै हेगस्थित अन्तर्राष्ट्रिय अदालतमा मुद्धा दायर गरेको थियो । मंगलबार अन्तर्राष्ट्रिय अदालतले सो क्षेत्र चीनको ऐतिहासिक क्षेत्र नभएको भन्दै अन्तिम निर्णय सुनाएको हो ।

चीनले दक्षिण चीन सागरको ९० प्रतिशत क्षेत्र आफ्नो रहेको दाबी गर्दै आएको थियो र उसको दाबीका पछि संसारका थुप्रै देशहरुले समेत समर्थन गर्दै आएका छन् । उसले सो समुद्री क्षेत्र आफ्नो मुलुकको ऐतिहासिक क्षेत्र रहेको र त्यो विषय आफ्नो मुलुकको सार्वभौमिकतो विषय भएको दाबी गर्दै आएको छ ।

चीनले सो समुद्रको सम्पूर्ण पानीमा समेत आफ्नो हक भएको बताउँदै आएको थियो । अन्तर्राष्ट्रिय अदालतको यो फैसलाले चीनलाई ठूलो झड्का लागेको छ। यद्यपि, सो फैसलापछि पनि चीनले आफ्नो विचारमा भने कुनै फेरबदल नआएको बताइरहेको छ ।

चीनको रक्षा मन्त्रालयका प्रवक्ता याङ युच्युनले मंगलबार फिलिपिन्सले उठाएको दक्षिणी चिनियाँ सागर सम्बन्धी फैसलबारे चीन सरकारको अडान एउटै र स्पष्ट भएको पुष्टि गरे । फैसलाको नतिजा जस्तो भएतापनि यसबाट दक्षिणी चिनियाँ सागरमा चीनको सार्वभौमसत्ता तथा हितमा प्रभाव नपर्ने कुरामा पनि उनले जोड दिए।

चिनियाँ सेनाले देशको सार्वभौमसत्ता, सुरक्षा तथा समुद्र सम्बन्धी अधिकार र हितमा अडिगताका साथ संरक्षण गर्ने कुरा पनि उनले जोड दिएका छन् ।

भिडियो हेर्न तलको बिज्ञापन लाइ हटाउनुहोस