कोरिया पुनः प्रवेश गरेको सात महिनामै कार दुर्घटनामा एक नेपाली युवकको मृत्यु

भिडियो हेर्न तलको बिज्ञापन लाइ हटाउनुहोस

१५ असोज, दक्षिण कोरिया।
कोरियाको योङजुमा कार दुर्घटनामा परी एक नेपालीको ज्यान गएको छ । दुर्घटनामा पाल्पा घर भएका झण्डै तीस वर्षिय हेमन्त आचार्यको ज्यान गएको हो । पाँच वर्ष पुरा गरी सिबिटी परिक्षा दिएर पुनः कोरिया आएको सात महिना पुग्दा उक्त दुःखद दुर्घटना हुन पुगेको उनका सहकर्मीले जनाएका छन् ।
घटना आज बिहान साढे तीन बजे भएको बताइएको छ । साथी सुवास मुखियाले चलाएको कार रोकिरहेको ट्रकमा लगेर ठक्काएर दुर्घटना भएको बताइएको छ । दुर्घटनामा घाइते चालक मुखियाको अवश्था गम्भिर रहेको र उनको खिदोक योङजु अस्पतालमा उपचार भइरहेको छ । दुर्घटनाको वास्तविक कारण भने थाहा हुन सकेको छैन् ।
मृतक आचार्य विवाहित भएको बुझिएको छ । राजधानी सोलस्थित नेपाली दुतावासमा श्रम सहचारी देवराज ढकालले घटनाको बारेमा नेपालीबाट जानकारी आएको भएपनि कोरियन प्रहरीबाट दुतावासलाई कुनै सुचना नआएको बताएका छन् । घटनाका बारेमा बुझ्ने प्रयास भइरहेको श्रम सहचारी ढकालले बताए ।

भिडियो हेर्न तलको बिज्ञापन लाइ हटाउनुहोस