दर्जनौं नेपाली युवा युएईमा बन्धक, भाडा नतिरेको भन्दै पासपोर्ट नै गायब !

भिडियो हेर्न तलको बिज्ञापन लाइ हटाउनुहोस

नेपाली युवा युएईमा बन्धक, भाडा नतिरेको भन्दै पासपोर्ट नै गायब !

युएई–भिजिट भिषामा राम्रो आम्दानी हुने जागिर लगाइदिने भन्दै दलालमार्फत युएई आई पुगेका दर्जनौं नेपाली युवा युएईमा बन्धक जस्तै अवस्थामा रहेको पाईएको छ ।

नेपाली ६० हजार रुपैयाँ भन्दामाथिको मासिक पारिश्रमिकमा काम लगाउने आश्वासनमा तीनदेखि पाँच लाख रुपैयाँसम्म नेपालमा बुझाएर आएका युवाहरु अहिले आफ्नो साथमा पासपोर्ट पनि नभएपछि बन्धक जस्तै बनेका छन् ।

यस्ता कतिपय युवाले खाना खाने खर्चपनि नभएकाले पानी पिएर बाँच्नु परेको गुनासो समेत गरेका छन् । आफ्नो वास्तविक अवस्था थाहा पाउँदा घर परिवार तथा आफन्तमा चिन्ता पर्ने भन्दै उनीहरुले खुलेर सहयोगको याचना पनि गर्न सकेका छैनन् । उनीहरुले आफुहरुसँग भएका कुरा मिडियामा आएपनि परिचय खुल्ने फोटो भिडियो सार्बजनिक नगर्न अनुरोध गरे ।

ठग्नेहरु आफन्त नै छन्, कसरी ठगिए उनीहरु ? 

युएईमा समस्यामा परेकाहरु अधिकांश आफन्तबाटै ठगिएका छन् । बाँकेको खजुराका ..समिर..नाम परिवर्तनले आफू भिनाजुको विश्वासमा परेर ठगिएको बताए । उनले आफू भिनाजुमार्फत काठमाडौमा दिनेश थापा भन्ने दलालको सम्पर्कमा आएको र दिनेश थापामार्फत युएई आएको बताउँछन् ।

अहिले युएईको शारजाहस्थित एक भवनमा करिब एक दर्जन नेपाली अन्यौल अवस्थामा छन् । समिरसँगै उनीहरु ३ लाखदेखि ५ लाखसम्म तिरेर युएई आएका थिए । युएई गइसकेपछि सेक्युरिटिको जागिर लगाइदिने र मासिक तलब करिब नेपाली ७५ हजार हुने भनेर उनीहरु यहाँ आएको बताउँछन् ।

युएई आइ सकेपछि आकाश भनिने प्रकाश घलेले उनीहरुलाई शारजाह विमानस्थलबाट सो ठाँउमा लगेका थिए । कोहीको २ महिना भयो, कसैको १ महिना भयो, आजसम्म जागिर नपाएको र आफूहरु अलपत्र परेको बताउँछन् ।

दलाललाई सम्पर्क गर्दा फोन उठ्दैन । अहिले उनीहरु बसेको कोठाको भाडा पनि नतिरिदिएको र एक जना बंगाली आएर उनीहरुको पासपोर्ट पनि लिएर गएको बताउँछन् । ‘कोठाको भाडा लिएर आउ पासपोर्ट लिएर जाउ भन्दै सबैको पासपोर्ट लग्यो’ उनीहरु भावुक हुँदै भने न खाने पैसा छ हुदाँहुँदा पासपोर्ट पनि लगिदियो, न हामी यताउता हिँड्न सक्छौं, बरु पासपोर्ट पाए नेपाल जान्थेउ ।

ठगिमा सरकारीे सहभागिता 

युएईमा ठगिमा परेका युवाहरुको ठगिमा नेपाल सरकारको समेत सहभागिता छ । नेपाल सरकारका कर्मचारीले सेटिङको नाममा भिजिट भिसामा आउने युवाहरुबाट दलाल मार्फत मोटो रकम लिने गरेका छन् । एक जना बराबर पचास हजारु रुपैया सम्म सेटिङमा खर्च लाग्ने भन्र्दैे दलालहरुले त्यसरी आउनेहरुलाई मोटो रकम लिने गरेका छन् । अहिले पच्चिस हजार भन्दा बढि युवा युएईमा भिजीटमा रहेको अनुमान छ । एक जनाको पचास हजारका दरले पच्चिस हजार युवाबाट नेपाल सरकारका कर्मचारीले मात्र एक अर्ब पच्चिस करोड रकम घुस लिएको अनुमान छ ।

कतिपय भिजिट भिषामा आउनेहरु पनि नक्कली कामदार भिषा र त्यही नक्कली भिषामा श्रम स्विकृती लिएर आउने गरेको पनि भेटिन्छन । त्यस्ता नक्कली भिषा र श्रम स्विकृती नेपाल एअरपोर्ट सेटिङ्गमा मात्र देखाउने र युएईमा एअरपोर्टमा फेरी भिजिट भिषाको काजगाज देखाउने गर्दछन ।

भिजट आफैँमा समस्या होईन 

युएईमा रोजगारी खोजीका लागि भिजिटमा आउनु आफैँमा समस्या होईन । तर आफुसँग सिप नभई दलालको प्रलोभनमा परि ठुलो रकम बुझाएर आएकाहरु भने युएईमा समस्यामा पर्ने गरेका छन् ।

ठुला कम्पनीमा आफन्त भएका र आफुसँग काम गर्ने सिप भएका युवाहरु भिजिटमा आएपनि काम पाउने गरेका छन् । नेपालमा दलाल मार्फत पुग्ने कम्पनीमा अन्र्तवार्ता मार्फत आउने नयाँ कामदारले न्युनतम पारिश्रमिकबाट काम शुरु गर्नुपर्ने भएकाले आफूसँग सिप र अनुभव भएकाहरु सिधै भिजिटमा आउने र कम्पनीमा प्रतिस्पर्धामार्फत रोजगारी लिने गर्छन ।

दुतावास र भिजिट भिषाको समस्या

नेपाली राजदुतावास युएईले पनि भिजिट भिषामा हुने गरेको ठगी दलालीको बारेमा चिन्ता व्यक्त गरेको छ । नेपालबाट अबैधानिक बाटो हुँदै त्यस्तै सेटिङ्गको माध्यमबाट आए पनि युएईको कानुन अनुसार बैधानिक हुने भन्दै समस्या समाधानका लागि सरकारी तवरबाट पहल गर्न कहिलेकाही अप्ठ्योरो पर्ने गरेको जानकारी दिएको छ ।

युवाहरु अलपत्र अवस्थामा भेटेपछि उद्दारको लगि पहल गरिदिन हामीले अनुरोध गर्दा नेपाली राजदुतावास युएईका कार्यबहाक राजदुत नेत्र टन्डनले त्यसरी कसैले पनि अरुको पासपोर्ट जफत गर्ने वा राख्ने अधिकार नभएको बताए । साथै उनले भिजिट भिषामा देखिएको समस्या र एअरपोर्ट सेटिङ्गको कुराहरुमा दुतावास र नेपाल सरकारले गम्भिर रुपमा लिएको र त्यसलाई निरुत्साहित र कारबाहीको दायरामा ल्याउन आन्तरिक गृहकार्य र खोजी भइरहेको जानकारी दिए ।

भिडियो हेर्न तलको बिज्ञापन लाइ हटाउनुहोस