यस्तो तयारीका साथ वार्ता गर्दैछन् काठमाण्डुमा चिनियाँ सुरक्षा अधिकारी

भिडियो हेर्न तलको बिज्ञापन लाइ हटाउनुहोस

काठमाण्डु, २७ असार– यसबेला चीनको स्वशासित क्षेत्र तिब्बतका सुरक्षा अधिकारीहरु काठमाण्डुमा नेपाली अधिकारीहरुसँगको भेटावार्तामा व्यस्त रहेका छन् । चिनियाँ दूतावासको विशेष निमन्त्रणामा काठमाण्डु आएको भनिएको सो टीलीले केही समयपछि चिनियाँ राष्ट्रपति सी जिन पिङको नेपाल भ्रमण र सुरक्षाका विषयमा छलफल केन्द्रीत गरेको बताइएको छ ।
तिब्बतको जन सुरक्षा मामिला तथा सीमा नियमन महानिर्देशक तथा उपाध्यक्ष लिउ जियाङ नेतृत्वमा आएको ६ सदस्यीय टोलीले पछिल्लो समयमा नेपाल–तिब्बत सीमामार्फत बढ्दै गइहेको भनिएको तिब्बती शरणार्थीहरुको गतिविधिमाथि पनि अध्ययन केन्द्रीत गरिरहेको श्रोतले बताएको छ ।

उनीहरुले तिब्बतमा बढ्न सक्ने तिब्बती शरणार्थीहरु लगायतका सुरक्षाका विषयमा शसस्त्र प्रहरी बलसँग समेत छलफल गर्ने कार्यक्रम मिलाएको बताइएको छ । शसस्त्र प्रहरीसँगको छलफल भने विशेषगरी सीमा सुरक्षासँग केन्द्रीत हुने पनि श्रोतले जनाएको छ ।

भूकम्पपछि बन्द भएको खासा बजार र सीमा सुरक्षाका विषयमा समेत छलफल भैरहेको बताइएको छ । नेपालमा गतवर्ष आएको भूकम्पपछि उद्धारका नाममा आएका पश्चिमी मुलुकका सेना र उसका गतिविधिप्रति पनि चीन विशेष सतर्क हुँदै आएको छ ।

नेपाल–तिब्तत सीमामा पश्चिमी मुलुकहरुको गतिविधिहरु बढेको भन्दै चीनले चिन्ता व्यक्त गरेको र काठमाण्डुसँग यो मामलाा सहकार्य गर्न समेत उ तयार रहेको बताइएको छ । काठमाण्डुदेखि नेपाल तिब्बत सीमामा तिब्बती शरणार्थीहरुको गतिविधि र अमेरिका लगायतका पश्चिमी शक्तिहरुको गतिविधिहरुलाई चीनले एउटै प्रसंगमा जोडेर विश्लेषण गर्ने गरेको छ ।
यता, नेपालको राजनीतिमा कुनै फेरबदल नभए चिनियाँ राष्ट्रपति असोजभित्र नेपाल भ्रमणमा आउने निश्चित प्रायः जस्तै भइसकेको छ । सो भ्रमणलाई समेत मध्यनजर गरेर टोलीले सुक्ष्म रुपमा सुरक्षा अध्ययन गरिरहेको श्रोतले बताएको छ

भिडियो हेर्न तलको बिज्ञापन लाइ हटाउनुहोस