कहाँबाट आयो ल्वाङ ? यस्ता छन् ल्वाङका फाइदा

भिडियो हेर्न तलको बिज्ञापन लाइ हटाउनुहोस

नेपाली भान्छामा ल्वाङ निकै प्रसिद्ध छ । तर, यो मसलाको पुर्खौली थलो भने इण्डोनेशियाको मोलुकास मानिन्छ, जसलाई स्पाइस आइल्याण्ड (मसला टापु) पनि भनिन्छ । यो मसला एसियामा २ हजारभन्दा बढी वर्षदेखि प्रयोग हुँदैं आएको मानिन्छ । यसको बास्ना र स्वादलाई मन पराएर इशा पूर्व २ सय देखि चिनियाहरुले यसलाई मुखको दुर्गन्ध हटाउनका लागि प्रयोग गर्न थालेका थिए । चौथो शताब्दिमा अरब व्यापारीहरुले ल्वाङलाई युरोप पु¥याएको मानिन्छ । यद्यपि मध्ययुगीन समयसम्म पनि यो सर्वसाधारणमाझ परिचित हुन सकेको थिएन । इण्डोनेशियाबाहेक ल्वाङको सबैभन्दा बढी उत्पादन हुने देश पूर्वी अफ्रिकाको जन्जीबार हो । यसबाहेक व्यवसायिक रुपमा ल्वाङ वेष्ट इण्डिज, श्रीलंका, मडागास्कर, भारत, ब्राजिललगायतका देशमा खेति गरिन्छ ।

ल्वाङका फाइदा

तरकारीको स्वाद बढाउन मसलाको रुपमा होस् या दुखाईबाट मुक्ति पाउन, ल्वाङ निकै लाभकारी मानिन्छ । यतिमात्र होइन, ल्वाङका अनेक फाइदा छन् । साधारण रुघाखोकीदेखि लिएर क्यान्सरजस्ता गम्भीर रोगमा ल्वाङको उपचार हुन्छ । ल्वाङको प्रयोग आयुर्वेदमा मात्र नभई होमियोप्याथी र एलोप्याथीमा पनि प्रयोग हुन्छ ।

भोजनको स्वाद बढाउन : ल्वाङलाई खानामा मसलाका रुपमा प्रयोग गरिन्छ । यसमा प्रोटिन, आइरन, कार्बोहाइड्रेट्स, क्याल्सियम, फस्फोरस, पोटाशियम, सोडियम तथा हाइड्रोक्लोरिक एसिड भरपूर मात्रामा पाइन्छ ।  यस्तै, यसमा भिटामिन ए तथा सि, म्याग्नीज र फाइबर पनि पाइन्छ ।

पीडा हटाउन : ल्वाङ प्राकृतिक पेनकिलरको रुपमा पनि प्रयोग गरिन्छ । यसमा रहेको युजेनल आयल दाँतको दुखाईका लागि लाभदायी मानिन्छ । जतिसुकै दाँत दुखेपनि ल्वाङको तेल लगाउनाले दुखाई तत्कालै निको हुन्छ । यसमा एन्टीब्याक्टेरियल विशेषता हुन्छ, जसका कारण यसको प्रयोग टुथपेष्ट, माउथवास तथा क्रिम बनाउन प्रयोग हुन्छ ।

जोर्नी रोगीलाई लाभदायी : जोर्नीमा हुने दुखाई, सुन्निने जस्ता समस्याका लागि ल्वाङ फाइदाजनक हुन्छ । कैयौं अरोमा विशेषज्ञहरु जोर्नी दुख्ने समस्याका लागि ल्वाङको तेल सिफारिस गर्छन् ।

श्वाससंबन्धी रोगका लागि : ल्वाङका तेल सुँघ्नाले रुघा, कफ, दम, ब्रोङकाइटिस, साइनसाइटिसजस्ता समस्यामा तुरुन्त आराम मिल्छ ।

एन्टीसेप्टिक रुपमा : ल्वाङको तेलमा एन्टीसेप्टिक गुण पनि हुन्छ, जसबाट फंगल संक्रमण, काटेको, घाउ भएको  र छालासंबन्धी अन्य समस्यामा यसको प्रयोग गरिन्छ । ल्वाङको तेल सिधै नभई कुनै तेलमा मिसाएर लगाउनुपर्छ ।

पाचनका लागि फाइदाजनक :  खानामा ल्वाङको प्रयोगले पाचनसंबन्धी कैयौं समस्यामा आराम मिल्छ । यसमा रहेका तत्वहरुले अपच, उल्टी, ग्यास्ट्रिक, डायरियाजस्ता समस्यामा आराम दिलाउछन् ।

क्यान्सरमा लाभदायी : अनुसन्धानकर्ताहरुका अनुसार ल्वाङको प्रयोगले कलेजो तथा छालाको क्यान्सर रोक्न सकिन्छ । यसमा रहेको युजेनल नामक तत्व क्यान्सर रोक्न लाभदायी हुने बताइन्छ ।

अन्य फाइदाहरू : यसका अतिरिक्त ल्वाङको सेवनले शरीरमा रोग प्रतिरोधी क्षमता बढाउछ भने रगत शुद्ध पार्छ । यसको प्रयोग मलेरिया, हैजाजस्ता रोगको उपचारमा पनि गरिन्छ । डाइबिटिजमा ल्वाङको सेवनले शरीरमा ग्लुकोजको स्तर कम गर्छ । यस्तै, लामखुट्ट भगाउनपनि ल्वाङको तेल प्रयोग गर्न सकिन्छ ।

भिडियो हेर्न तलको बिज्ञापन लाइ हटाउनुहोस