डन गणेश लामा माओवादी केन्द्र छिर्ने तयारीमा

भिडियो हेर्न तलको बिज्ञापन लाइ हटाउनुहोस

२५ जेष्ठ, काठमाडौं । गलत व्यक्तिहरुको घनिष्टता तथा कार्यक्षमताको अभावमा गृहमन्त्री शक्ति बस्नेतको पद धरापमा परेको छ ।
प्रधानमन्त्री केपी शर्मा ओलीले गृहमन्त्री परिवर्तन गर्न नेकपा माओवादी केन्द्रका अध्यक्ष प्रचण्डसँग प्रस्ताव राखिसकेका छन् ।
आफ्नो सोचअनुसार गृहमन्त्री बस्नेतले काम गर्न नसकेको भन्दै ओलीले गृहमन्त्री फेर्ने प्रस्ताव राखेको स्रोत बताउँछ ।
कमजोर निर्णय क्षमता र प्रशासनिक ज्ञानको अभावका कारण गृह मन्त्रालय अस्तव्यस्त हुँदै गएको छ ।
अर्कोतर्फ श्रमती सत्या पहाडीले डन र तस्करहरुसँग फाइदा लिइ मन्त्री बस्नेतमार्फत विभिन्न काम लगाउने गरेकी छिन् ।
मन्त्रीमा नियुक्त भएलगत्तै नक्कली भारतीय रुपैयाँँका कारोबारी सुनील रायमाझी तथा सुडान भ्रष्टाचार प्रकरणमा मुछिएका ठेकेदार शम्भू भारतीसँगको भेटघाटका कारण मन्त्री बस्नेत विवादमा तानिएका थिए ।
अहिले पनि तस्कर तथा गेण्डागर्दीमा संलग्न व्यक्तिहरुको मन्त्रीनिवासमा भीड लाग्ने गरेको स्रोत बताउँछ ।
कतिसम्म भने डन गणेश लामाले समेत मन्त्री बस्नेतसम्म पहुँच बनाइसकेका छन् ।
मधेशी जनअधिकार फोरम (लोकतान्त्रिक) का केन्द्रीय सदस्य रहेका लामा उक्त पार्टीमा असुरक्षित महशुस गरेपछि माओवादी छिर्ने तयारीमा लागेका छन् । नेपालीपत्र डटकमबाट

भिडियो हेर्न तलको बिज्ञापन लाइ हटाउनुहोस